Хүүхэд яагаад худлаа хэлдэг вэ?
4-5 насанд хүүхэд худлаа хэлэх нь элбэг. Энэ нь тэд шийтгэлээс айх, зохиох зөгнөх, томчуудыг дуурайх зэрэг шалтгаантай. Иймд шалтгааныг олох нь цаашид худлаа хэлэхийг зогсооход их чухал. Хэрвээ шийтгэлээс айж худлаа хэлж буй бол үнэнээ хэлэх нь шийтгүүлэхгүй байх/багаар шийтгүүлэхэд тустай гэдгийг тайвнаар хэлж ойлгуулаарай. Харин хүүхэд үнэн ба уран сэтгэмжийг ялгах насанд хараахан хүрээгүйгээс худлаа ярих нь ямар нэг сөрөг нөлөөгүй. Хэрвээ хүүхэд тань таны худлаа, дэгс ярихыг дуурайж байгаа бол та өөрөө үүнийгээ даруйхан зогсоох ёстой.